CS2 skinni qanday sotish va pulni yechish

Skin sotish Steam orqali kirishdan boshlanadi va pul kartangizga tushishi bilan tugaydi. Har bosqichda nima bo'lishi quyida.

Yangilangan: 13.10.2026

Boshlashdan oldin

• Steam'da Inventar maxfiylik sozlamasi «Hamma uchun ochiq» bo'lishi kerak. Profil → Profilni tahrirlash → Maxfiylik sozlamalari.
• Steam Guard mobil tasdiqlashi yoqilgan bo'lishi tavsiya etiladi.
• Trade URL kerak bo'lishi mumkin. Sayt kerak bo'lganda so'raydi.

Qadamlar

1. Kiring. Skin sotish sahifasida Steam bilan kiring.
2. Skinlarni tanlang. Inventaringiz narxlari bilan ochiladi. Sotmoqchi bo'lgan skinlarni belgilang. Jami summa buyurtmadan oldin ko'rinadi.
3. Buyurtma yarating. Bizning bot Steam'da sizga trade taklif yuboradi.
4. Taklifni qabul qiling. Taklifni 30 daqiqa ichida Steam'da qabul qilasiz. Muddat o'tsa, buyurtma bekor bo'ladi va qaytadan yaratasiz.
5. Pulni kuting. Skinlar tekshiriladi. Steam himoya muddati (odatda 7 kun) tugagach, pul so'mda balansingizga tushadi.
6. Kartaga yeching. Profilda «Pul yechish»ni ochasiz, summa va UzCard yoki Humo karta raqamini kiritasiz. Komissiya va kartaga tushadigan summa oldindan ko'rsatiladi.

Nega pul darhol tushmaydi?

Steam yangi o'tgan skinlarni bir muddat qayta almashtirishga cheklaydi. Shu muddat tugamaguncha skin to'liq bizniki bo'lmaydi, shuning uchun pul ham shundan keyin hisobingizga qo'shiladi. Buyurtma holatini profilda kuzatib borasiz.

Cheklovlar

Eng kam skin narxi, bir buyurtmadagi skinlar soni va jami summa sotish sahifasida ko'rsatiladi. Kartaga yechishning eng kam summasi yechish oynasida yoziladi.

Narxni baholash

Skin narxi nimalarga bog'liqligini bilsangiz, ko'rsatilgan narxni solishtirish osonroq: CS2 skin narxi nimaga bog'liq.

Skin sotish