GGDROPUZ qanday ishlaydi

Sotish ham, sotib olish ham Steam trade takliflari orqali o'tadi. Pul esa sayt ichidagi so'mdagi balansda yuradi. Quyida ikkala yo'nalish qadamma-qadam.

Boshlash: Steam bilan kirish

«Steam bilan kirish» tugmasini bosasiz va Steam'ning o'z sahifasida tasdiqlaysiz. Ro'yxatdan o'tish va alohida parol kerak emas. Sayt faqat ochiq ma'lumotlarni oladi: Steam ID, nom va rasm.

Trade havola (Trade URL)

Do'kondan skin olish uchun Steam'da Inventar → Trade takliflari → Kim menga trade yubora oladi sahifasidagi Trade URL havolasini saytga bir marta kiritasiz. Havola faqat o'zingizning akkauntingizniki bo'lishi kerak. Skin sotish uchun ham u kerak bo'lishi mumkin, sayt kerak bo'lganda o'zi so'raydi.

Skinni sotish

1. Steam orqali kirasiz. Inventaringiz Steam'da «Hamma uchun ochiq» qilingan bo'lishi kerak, aks holda sayt uni ko'rolmaydi.
2. Sotmoqchi bo'lgan skinlarni belgilaysiz. Har bir skinning narxi va jami summa buyurtma berishdan oldin ko'rinadi.
3. Buyurtma yaratasiz. Bizning bot Steam'da sizga trade taklif yuboradi.
4. Taklifni Steam'da 30 daqiqa ichida qabul qilasiz.
5. Skinlar tekshiriladi. Steam himoya muddati (odatda 7 kun) tugagach, pul so'mda balansingizga tushadi.
6. Balansdan UzCard yoki Humo kartaga yechasiz yoki do'kondan xarid qilasiz.

Bu haqda to'liq qo'llanma: CS2 skinni qanday sotish.

Skinni sotib olish

1. Balansni Click orqali to'ldirasiz. To'lov Click sahifasida ochiladi, pul odatda bir necha soniyada tushadi.
2. Do'konda filtr va qidiruv orqali skinni topasiz. Narx so'mda ko'rinadi.
3. «Sotib olish»ni bosasiz. Summa balansdan yechiladi.
4. Skin sizning Trade URL manzilingizga Steam taklifi bilan yuboriladi. Taklifni qabul qilish muddati buyurtmada ko'rinib turadi.
5. Taklifni Steam'da qabul qilasiz va skin inventaringizda paydo bo'ladi.

Agar buyurtmani bajarib bo'lmasa yoki taklif muddatida qabul qilinmasa, to'langan summa balansga qaytariladi. Batafsil: CS2 skinni qanday sotib olish.

Balans va kartaga yechish

Balans so'mda yuritiladi. Kartaga yechish uchun summani va UzCard yoki Humo karta raqamini kiritasiz. Komissiya foizi va kartaga tushadigan summa so'rov oynasida oldindan ko'rsatiladi. Pul so'rov paytida balansdan band qilinadi, so'rov tekshirilib kartaga o'tkaziladi. So'rov rad etilsa, pul balansga qaytariladi.

Buyurtma holati

Profil sahifasida buyurtmalaringiz va ularning holati ko'rinadi. Muhim o'zgarishlar bildirishnoma sifatida keladi. Biror narsa tushunarsiz bo'lsa, yordamga yozing.